YURTIMIZ TARIXIDA AYOLLARNING YETUKLIKKA INTILISHI, ILMGA BO‘LGAN EXTIYOJ

Abstract

Yurtimiz tarixida yuz bergan turli jarayonlar millatimiz ayollari taqdiriga ta’sir etmay qolmadi. Ona yurtimiz, millatimiz ravnaqi, ilmu ma'rifati yo'lida jon bergan bobolarimiz va momolarimiz nomlarini takror-takror tilga olgan daqiqalarda ularning ezgu g'oyalari qalbimizda tirilgani sayin o'zimiz ham ana shu buyuk kuch Ona Vatan sha'ni, qadri uchun ilm olishimiz, kurashishimiz, yashashimiz va ijod qilishimiz kerakligini yanada chuqurroq anglay boshlaymiz. Ajdodlarimiz onalarga millat egasi sifatida qarashgan. Axir buyuk insonlarni ilm-ma'rifati yuksak onalar yetishtiradi. Millatimizda katta olima, shoira va faqiha ayollar ko'p bo'lgan. Jadid ayollar mavzusi esa alohida tadqiqotlarni talab qiladi. Eng avvalo, jadid bobolarimiz o'sha zamon kishilari ongida xotin-qizlarga bo'lgan alohida hurmat va ehtirom tuyg'usini uyg'ota bilgan. Ular millat farzandlarini “qo'li to'qmoq, boshi pahmoq” ezilgan ayollar tarbiyalashini istamagan. “Biz qizlarimizga o'g'il bolalardan kam e'tibor qaratmasligimiz kerak”ligini qayta-qayta ta'kidlashgan.