POPULUS ALBA VA SALIX ENG YAHSHI NISBATIDAGI ARALASHMASINING FENOL BIRIKMALARNI TAHLILI
Keywords:
terak, tol, fenol birikmalar, YuSSX, polifenollar, flavonoidlar.Abstract
Bugungi kunda dorivor o‘simliklar asosida biologik faol moddalarni aniqlash va ularning kimyoviy tarkibini o‘rganish farmatsevtika va tibbiyot sohalarida dolzarb masalalardan biri hisoblanadi. Ayniqsa, fenol birikmalar yuqori antioksidant, yallig‘lanishga qarshi va antimikrob xususiyatlari bilan ajralib turadi. Ushbu tadqiqotda terak (Populus alba) va tol (Salix) o‘simliklari aralashmasidan olingan etanol ekstrakti tarkibidagi asosiy fenol birikmalar yuqori samarali suyuqlik xromatografiyasi (YuSSX, HPLC) usuli yordamida aniqlash maqsad qilib olindi.
Fenol birikmalarni ekstraksiya qilish uchun namuna 96 % li etanolda ultratovushli vannada ishlov berildi. Tahlil Shimadzu LC-40 Nexera Lite YuSSX tizimida, teskari fazali Shim-pack GIST C18 kolonkasi yordamida amalga oshirildi. Harakatchan faza sifatida atsetonitril va 0,5 % li sirka kislotaning suvdagi eritmasidan iborat gradiyent tizim qo‘llanildi. Deteksiya 300 nm to‘lqin uzunligida olib borildi.
Tahlil natijalariga ko‘ra, ekstrakt tarkibida gall kislota, rutin, salisil kislota, kversetin va apigenin mavjudligi aniqlandi. Eng yuqori miqdor salisil kislotaga (38,053 mg/100 g) to‘g‘ri kelib, bu tol o‘simligining ushbu birikmaga boy ekanligini tasdiqlaydi. Shuningdek, rutin (12,970 mg/100 g), apigenin (11,343 mg/100 g) va kversetin (6,195 mg/100 g) miqdorlarining aniqlanishi ekstraktning yuqori antioksidant salohiyatga ega ekanligini ko‘rsatadi. Kempferol aniqlanmadi, bu uning namunadagi miqdori aniqlash chegarasidan past ekanligi bilan izohlanadi.
Olingan natijalar terak va tol aralashmasi ekstrakti fenol birikmalarga boy bo‘lib, ularning birgalikdagi sinergik ta’siri ekstraktning biologik faolligini oshirishini ko‘rsatadi. Tadqiqot natijalari ushbu o‘simlik aralashmasini tabiiy yallig‘lanishga qarshi va antioksidant xususiyatlarga ega bo‘lgan dorivor preparatlar hamda funksional oziq-ovqat mahsulotlari ishlab chiqishda istiqbolli xomashyo sifatida tavsiya etish imkonini beradi.
References
1. Scalbert, A., Johnson, I. T., & Saltmarsh, M. (2005). Polyphenols: antioxidants and beyond. The American Journal of Clinical Nutrition, 81(1), 215S–217S.
2. Manach, C., Scalbert, A., Morand, C., Rémésy, C., & Jiménez, L. (2004). Polyphenols: food sources and bioavailability. The American Journal of Clinical Nutrition, 79(5), 727–747.
3. Harborne, J. B., & Williams, C. A. (2000). Advances in flavonoid research since 1992. Phytochemistry, 55(6), 481–504.
4. Rice-Evans, C. A., Miller, N. J., & Paganga, G. (1997). Antioxidant properties of phenolic compounds. Trends in Plant Science, 2(4), 152–159.
5. Ball, G. F. M. (2006). Vitamins in Foods: Analysis, Bioavailability, and Stability. CRC Press.
6. Yadav, D. K., et al. (2019). Plant-based natural products as a tool for neuroprotection and cognitive enhancement. Phytomedicine, 55, 1–14.
7. Zeisel, S. H. (2010). Choline: Critical Role During Fetal Development and Dietary Requirements in Adults. Annual Review of Nutrition, 29(1), 229–250.
8. Asqarov, I. R., et al. (2024). Suvda eruvchi vitaminlar miqdorini YuSSX usulida aniqlash metodikasi (Chilonjiyda misolida). Farg‘ona Davlat Universiteti, 30(5), 61–68.
9. Chung, K. T., Wong, T. Y., Wei, C. I., Huang, Y. W., & Lin, Y. (1998). Tannins and human health: a review. Critical Reviews in Food Science and Nutrition, 38(6), 421–464.
10. Pietta, P. G. (2000). Flavonoids as antioxidants. Journal of Natural Products, 63(7), 1035–1042.
