Buxoro xonligi siyosiy jarayonlarida davlat boshqaruvi amaldorlarining o‘rni – otaliq misolida.

Abstract

Hozirgi tezlik bilan kechayotgan davr ko‘plab davlatlarda demokratik islohotlarni ham jadallashtirishi bilan bir qatorda boshqaruv tizimini takomillashtirishni, unda sifat jihatidan o‘zgarishlarni yuzaga keltirishni talab etmoqda. Ayniqsa Osiyo qit‘asidagi bir qator davlatlarda mazkur muammo ko‘zga tashlanmoqda. Tarixdan ma‘lumki, davlatning boshqaruv tizimini to‘gri yo‘naltirish ijtimoiy, iqtisodiy hamda siyosiy barqarorlikning asosiy omili hisoblangan. Shu jihatdan ham O‘zbek davlatchiligi tarixining turli bosqichlaridagi sulolalarning markaziy boshqaruv siyosatiga jiddiy e‘tibor qaratish o‘rinlidir.